PIC 2 Energie, PIC 3, PAISF, IPF : Tetikasa fampandrosoana nankatoavin’ny Antenimiera roa tonta

Tetikasa miisa 4 no naroso nandritra ny fivoriana tsy ara-potoana teny amin’ny Antenimieram-pirenena sy ny Antenimieran-doholana ka nahazo fankatoavana.

TETIKASA PIC 2 : ANGOVO

Tanjona :

• Fampiroboroboana ny sehatra Fizahantany sy ny fanodinana voka-pambolena amin’ny alalan’ny fampiroboroboana ny angovo eny amin’ny tontolo ambanivohitra sy ny fisitrahana ireo fotodrafitrasa ary ireo tolodraharaha.

Faritra kendrena :

• Atsimo Andrefana, DIANA, Analanjirofo

Singa ao anatiny :

• Fanitarana ny fampidirana angovonaratra amin’ireo tanàna ambanivohitra ao amin’ny Faritra DIANA sy Atsimo Andrefana
• Fanamboarana ny simba amin’ny lalana tena manana ny lanjany ao Sainte Marie, Faritra Analanjirofo.

TETIKASA PIC 3

Tanjona :

• Fampitomboana ireo fampiasambola avy amin’ny tsy miankina sy ny fitomboan’ny vokatr avy amin’ireo PME amin’ny alalan’ny fihariana avy amin’ny fanodinana ireo voka-pambolena (« agrobusiness »), ny Fizahantany ary ny Tontolom-pihariana mitrandraka ireo rindrambaiko (« digital »)

Faritra kendrena :

• Atsimo Andrefana, DIANA, Anosy, Analamanga, Atsinanana, Vatovavy Fito Vinany, Nosy Sainte Marie

Singa ao anatiny sy ireo lahasa fototra

• Fisarihana sy fitazomana ny fampiasambola avy amin’ny tsy miankina ary fanampiana amin’ny fanarenan-doha ny toekarena eto anivon’ny firenena
• Fanamafisana ny tontolon’ny fihariana ho fandraisana anjara amin’ny fanarenana taorian’ny Covid
• Fanalàna ireo sakana ho an’ny fampiasambola avy amin’ny tsy miankina sy fanatsarana ny fahafaha-mifaninana ho an’ny harikarena eny ifotony (fanamboarana ireo lalana simba, fanatsarana ny fisitrahana ireo angovo sy rano fisotro madio,)
• Fanampiana ho an’ny fiverenan’ny asa famokarana sy ny fampandrosoana ireo PME ary ny fandraharahana eny amin’ireo sehatra sy ireo Faritra kendrena

PROJET D’APPUI A L’INDUSTRIALISATION ET AU SECTEUR FINANCIER (PASF)

Tanjona :

• Ny sehatra ara-indostria eto Madagasikara, tosika ho an’ny fitomboan’ny harikarena sy mpamorona asa
• Singa ao anatiny sy ireo lahasa fototra
• Fampandrosoana ny fametrahana indostria
• Fanamorana ny fanomanana ireo tetikasa iarahan’ny FItondrampanjakana amin’ny tsy miankina
• Fampandrosoana ny sehatra fikirakirana ara-bola
• Fametrahana rafitra sy lamina ho an’ny fampiasana ny Fonds National de Developpement Industriel (FNDI)
• Fanampiana eo amin’ny lafiny ara-teknika ny Banky Foiben’ny Madagasikara.

Mpisitraka :

• Ny Fitondrampanjakana Malagasy : fanamafisana ny fahaiza-manaon’ireo Rafipanjakana isan-tsokajiny ; fampiroboroboana ireo fampiasambola avy amin’ny tsy miankina.
• Ireo PME : Rafipanjakana mety kokoa ho an’ny fampiasambola ary fisitrahana tsara kokoa ireo famatsiambola.
• Ny Malagasy rehetra : mpisitraka farany amin’ny fomba tsy mivantana ireo tombony azo avy amin’ny fampandrosoana ny indostria famoronana asa mendrika.

DURABILITE DU SECTEUR ROUTIER A MADAGASCAR (IPF-Transport)

Tanjona :

• Fanatsarana ny fikojakojana sy ny fampaharetana ny tambazotra fifamoivoizana eto Madagasikara

Singa ao anatiny :

• Fanatsarana ny toetra sy ny faharetam-perin’ireo lalana
• Fanomezana fanampiana ara-teknika sy tantsoroka ho an’ny fanavaozana ny sehatra fifamoivoizana sy ny fitaterana
• Fitondrana vahaolana malaky manoloana ireo krizy na ireo amehana mendrika ho vatsiana vola

Mpisitraka

• Ireo mpampiasa làlana
• Ireo mpandraharaha ara-toekarena
• Ireo mponina amin’ny Faritra Analamanga, Atsinanana, Matsiatra ambony, Atsimo Andrefana, Vakinankaratra, Boeny, Menabe, SAVA, Analanjirofo, DIANA, Vatovavy Fitovinany, Alaotra Mangoro.